विनोद अहिरकर यांची उपाध्यक्षपदी नियुक्ती झाल्यामुळे काँग्रेस कार्यकर्त्यांत नवचैतन्य
चंद्रपूर: महाराष्ट्र प्रदेश काँग्रेसने पक्षाला उभारी देण्याच्या उद्देशाने युवा दमाच्या नव्या चेहऱ्यांना वरिष्ठ पदांवर नियुक्त्या केल्या आहेत. राहुल गांधी यांच्या भारत जोडो यात्रेला महाराष्ट्रात उत्स्फूर्त प्रतिसाद मिळाला व काँग्रेस कार्यकर्त्यांमध्ये नवचैतन्य निर्माण झाले.
चंद्रपूर जिल्हा परिषदेचे माजी उपाध्यक्ष विनोद अहिरकर यांची प्रदेश उपाध्यक्ष (ओबीसी विभाग) पदी नियुक्ती करण्यात आली असून त्यांच्या नियुक्तीने काँग्रेस कार्यकर्त्यांमध्ये नवचैतन्य निर्माण झाले आहे.
गटातटाचे राजकारण करण्यापेक्षा भारतीय जनता पक्षाला मात देण्यासाठी विनोद अहिरकर यांच्या नेतृत्वात एकजुटीने कार्य करावे असे मत ग्रामीण व शहरी भागातील काँग्रेस कार्यकर्त्यांनी व्यक्त केले आहे.
0 Comments