अकोल्यात हिंसे नंतरत णावपूर्ण परिस्थिती
एका इन्स्टाग्राम पोस्टमुळे अकोल्यात मध्यरात्री दंगल उसळली होती. पोलिसांनी बळाचा वापर करून परिस्थिती आटोक्यात आणली खरी, परंतु या दंगलखोरांनी जुन्या शहर भागात अनेक ठिकाणी दगडफेक आणि जाळपोळ केली आहे. या दंगलीत आतापर्यंत १० दंगलखोर आणि दोन पोलीस जखमी झाले आहेत. जुन्या शहरातील हरिहरपेठमध्ये मध्यरात्री दोन गटांमध्ये मोठा राडा झाला. या राड्यात अनेक वाहनांची तोडफोड आणि जाळपोळ करण्यात आली आहे. दंगलखोरांनी अनेक दुचाकी, चारचाकी वाहनं पेटवली. ते एवढ्यावरच थांबले नाहीत तर त्यांनी अग्निशमन दलाच्या वाहनांची देखील तोडफोड केली आहे. या दंगलीनंतर अकोला शहरातील अनेक भागांमध्ये कलम १४४ अंतर्गत संचारबंदी लागू करण्यात आली आहे. दंगलखोरांनी पोलीस ठाण्याबाहेरही दगडफेक केल्याची माहिती मिळाली आहे. इन्स्टाग्रामवर एका व्यक्तीने वादग्रस्त पोस्ट शेअर केल्यामुळे आधी भांडण आणि दोन गटांमध्ये राडा झाला. त्यानंतर पोलीस या प्रकरणी गुन्हा दाखल करत होते. त्याचवेळी पोलीस ठाण्याबाहेर दगडफेक सुरू झाली. गर्दी पांगवण्यासाठी पोलीस बाहेर पडले. तोवर दंगलखोरानी जाळपोळ सुरू केली होती. त्यानंतर पोलिसांना परिस्थिती आटोक्यात आणण्यासाठी अ...