भाजप नेत्याकडूनच पंतप्रधान मोदींच्या राजीनाम्याची मागणी! सोशल मीडियावर ‘Resign’ ट्रेंड

daraara 24 taas ६/१२/२०२५ ०५:५४:०० PM

दरारा 24 तास न्युज नेटवर्क | दिनांक: 13 जून 2025

देशात सध्या एका मोठ्या राजकीय घडामोडीने खळबळ उडाली आहे. भाजपचे ज्येष्ठ नेते आणि माजी खासदार डॉ. सुब्रह्मण्यम स्वामी यांनी थेट पंतप्रधान नरेंद्र मोदी, केंद्रीय गृहमंत्री अमित शाह आणि नागरी विमान वाहतूक मंत्री राम मोहन नायडू यांच्याकडे राजीनाम्याची मागणी केली आहे.

ही मागणी त्यांनी नुकत्याच घडलेल्या विमान अपघाताच्या पार्श्वभूमीवर केली आहे, ज्यामुळे देशभरात संतापाची लाट उसळली आहे.

शास्त्रीजींचा दाखला देत राजीनाम्याची मागणी

स्वामी म्हणाले की, “1950 च्या दशकात जेव्हा एका रेल्वे अपघातात अनेक निष्पाप नागरिकांचा मृत्यू झाला होता, तेव्हा त्या काळचे रेल्वेमंत्री लाल बहादूर शास्त्री यांनी तात्काळ राजीनामा दिला होता. ही होती त्यांच्या नैतिकतेची आणि उत्तरदायित्वाची जाणीव. आज देखील त्याच आदर्शावर चालत सध्याच्या सत्ताधाऱ्यांनी राजीनामा देऊन निष्पक्ष चौकशीस मार्ग मोकळा करून द्यावा.”

सोशल मीडियावर ‘#Resign’ ट्रेंड

या विधानानंतर ट्विटर (X), फेसबुक आणि इतर सोशल मीडिया प्लॅटफॉर्म्सवर 'Resign' हा हॅशटॅग जोरदार ट्रेंड होऊ लागला आहे. अनेक नेटकर्‍यांनी मोदी सरकारवर टीकेची झोड उठवली आहे. काहींनी म्हटलं आहे की, “जर शास्त्रीजी राजीनामा देऊ शकतात, तर सध्याचे नेते का नाही?” तर काहींनी या प्रकरणाची सर्वोच्च न्यायालयाच्या देखरेखीखाली चौकशी व्हावी, अशी मागणी केली आहे.

सरकारची भूमिका अद्याप अस्पष्ट

या मागणीनंतर पंतप्रधान कार्यालयाकडून किंवा संबंधित मंत्र्यांकडून अद्याप कोणतीही अधिकृत प्रतिक्रिया आलेली नाही. मात्र, सत्ताधाऱ्यांवरील दबाव वाढत चालला आहे. विरोधकांनी देखील या प्रकरणावरून सरकारवर ताशेरे ओढण्यास सुरुवात केली आहे.

राजकीय वातावरण तापले

या मागणीमुळे भाजपमध्येच अंतर्गत मतभेद उफाळून येण्याची शक्यता वर्तवली जात आहे. सुब्रह्मण्यम स्वामी हे आधीपासूनच सरकारच्या काही निर्णयांवर टीका करत आले आहेत, मात्र थेट राजीनाम्याची मागणी हे एक गंभीर पाऊल मानले जात आहे.

दरारा 24 तास न्यूज नेटवर्क या बातमीचा पाठपुरावा करत राहील. अधिक माहिती आणि अपडेटसाठी आमच्या वेबसाइटला भेट देत राहा.