वीरांगणा राणी दुर्गावती आदिवासी सक्षम महिला पुरस्काराने मनिषाताई मडावी यांचा गौरव
✍️ सुखसागर एम. झाडे
गडचिरोली | 11 ऑगस्ट 2025 – जागतिक आदिवासी दिनानिमित्त (9 ऑगस्ट) नागपूर येथील कविवर्य सुरेश भट सभागृह, रेशीमबाग येथे आयोजित वीरांगणा राणी दुर्गावती आदिवासी महिला सबलीकरण व सक्षमीकरण मेळाव्यात गडचिरोली जिल्ह्यातील राष्ट्रीय मानवाधिकार संघटनेच्या जिल्हाध्यक्षा मनिषाताई मडावी यांना "वीरांगणा राणी दुर्गावती आदिवासी सक्षम महिला पुरस्कार" प्रदान करण्यात आला.
हा सन्मान महाराष्ट्र शासनाच्या आदिवासी विकास विभागाच्या अप्पर आयुक्तांमार्फत, राज्याचे आदिवासी विकास मंत्री नामदार अशोक उईके यांच्या हस्ते प्रदान करण्यात आला.
मनिषाताई मडावी यांनी अल्पवयातच अनेक उल्लेखनीय पुरस्कार आपल्या नावे केले आहेत, ज्यामध्ये मिस इंडिया 2021, मिसेस महाराष्ट्र 2022, सुपर मॉडेल रवी वॉक टायटल ऑफ इंडिया 2022, फिनिक्स पुरस्कार 2023, आदिवासी महिला नवरत्न पुरस्कार, मुख्यमंत्री महिला सशक्तीकरण पुरस्कार, गडचिरोली गौरव पुरस्कार 2021, आदिवासी समाज भूषण पुरस्कार 2022 आणि कलारत्न पुरस्कार 2023 यांचा समावेश आहे.
आदिवासी संस्कृती, कला व परंपरा राष्ट्रीय तसेच आंतरराष्ट्रीय पातळीवर पोहोचवण्यासाठी त्यांनी “कोया किंग” आणि “कोया क्वीन” स्पर्धांचे यशस्वी आयोजन केले असून, या उपक्रमांची राष्ट्रीय पातळीवर नोंद घेण्यात आली आहे.
या सन्मानाबद्दल राष्ट्रीय मानवाधिकार संघटनेचे प्रदेशाध्यक्ष डॉ. प्रणय खुणे, प्रदेश उपाध्यक्ष डॉ. भारत खटी, प्रवक्ता ग्यानेंद विश्वास, राष्ट्रीय महिला आघाडी अध्यक्षा पौर्णिमा विश्वास, विदर्भ कार्यकारी अध्यक्ष नेताजी सोदोंरकर, विदर्भ अध्यक्ष जावेद सैय्यद, जिल्हा अध्यक्ष रमेश अधिकारी, जिल्हा सचिव प्रकाश थुल, जिल्हा उपाध्यक्ष नानु उपाध्ये, बाळू माडुरवार, तालुका अध्यक्ष कालिदास बन्सोड, भीमराव वनकर, तालुका अध्यक्षा रुपाली कावळे व विशाखा सिन्हा यांनी राज्य सरकारचे आभार मानले व मनिषाताई मडावी यांना पुढील वाटचालीस शुभेच्छा दिल्या.
0 टिप्पण्या
Thanks for reading