🌾 गडचिरोली जिल्ह्यात अवकाळी पावसाने पिकांचे प्रचंड नुकसान; शेतकऱ्यांना एकरी ₹५०,००० नुकसान भरपाई द्यावी

🌾 गडचिरोली जिल्ह्यात अवकाळी पावसाने पिकांचे प्रचंड नुकसान; शेतकऱ्यांना एकरी ₹५०,००० नुकसान भरपाई द्यावी — अतुलभाऊ गण्यारपवार यांची मागणी

daraara 24 taas १०/३१/२०२५ ०४:०६:०० AM

🌾 गडचिरोली जिल्ह्यात अवकाळी पावसाने पिकांचे प्रचंड नुकसान; शेतकऱ्यांना एकरी ₹५०,००० नुकसान भरपाई द्यावी — अतुलभाऊ गण्यारपवार यांची मागणी

गडचिरोली (प्रतिनिधी) :
गडचिरोली जिल्ह्यात गेल्या काही दिवसांपासून सुरू असलेल्या अवकाळी पावसामुळे धान, कापूस आणि भाजीपाला पिकांचे मोठ्या प्रमाणावर नुकसान झाले आहे. त्यामुळे या नुकसानीचा पंचनामा करून शेतकऱ्यांना एकरी पन्नास हजार रुपयांची नुकसान भरपाई देण्यात यावी, अशी ठाम मागणी राष्ट्रवादी काँग्रेस पक्ष (शरदचंद्र पवार गट) गडचिरोलीचे जिल्हाध्यक्ष अतुलभाऊ गण्यारपवार यांनी केली आहे.

गडचिरोली हा जिल्हा प्रामुख्याने आदिवासी, नक्षलग्रस्त व वनव्याप्त क्षेत्र आहे. आर्थिकदृष्ट्या मागासलेल्या या जिल्ह्यातील शेतकऱ्यांचा शेती हा एकमेव उदरनिर्वाहाचा स्रोत आहे. मात्र, अवकाळी पावसामुळे धान कापणीच्या हंगामात मोठ्या प्रमाणावर नुकसान झाले आहे. अनेक ठिकाणी कापलेले धान शेतावरच सडले असून, कापसाच्या पिकांवर रोगांचा प्रादुर्भाव वाढला आहे. भाजीपाला पिकांचेही पूर्णतः नुकसान झाले आहे.

शेतकरी आधीच खत, बियाणे, मजुरी व शेती मशागतीसाठी मोठा खर्च करून बसलेला असताना अवकाळी पावसाने सर्व पिके नष्ट केल्याने ते गंभीर आर्थिक संकटात सापडले आहेत.
त्यामुळे सरकारने तातडीने शेतकऱ्यांच्या नुकसानीचा पंचनामा करून एकरी ₹५०,००० ची मदत देणे अत्यावश्यक आहे, असे अतुलभाऊ गण्यारपवार यांनी निवेदनाद्वारे मुख्यमंत्री व गडचिरोली जिल्ह्याचे पालकमंत्री मा. देवेंद्र फडणवीस, सहपालकमंत्री मा. आशिष जयस्वाल व जिल्हाधिकारी यांच्याकडे मागणी केली आहे.

या निवेदनात त्यांनी इशारा दिला की, शेतकऱ्यांना मदत न दिल्यास तीव्र आंदोलन छेडण्यात येईल.

या प्रसंगी प्रमुख उपस्थिती :
अॅड. संजय ठाकरे, नइम शेख (उपाध्यक्ष), शेमदेव चापले (ओबीसी सेल अध्यक्ष), संजय श्रृगारपवार (उपाध्यक्ष), राजुभाऊ आत्राम (विधानसभा सेल अध्यक्ष), प्रेमानंद मल्लिक (उपसभापती, कृउबास चामोर्शी), अमोलभाऊ गण्यारपवार (संचालक जिल्हा मध्यवर्ती बँक), करण गण्यारपवार (अध्यक्ष विकास तांदूळ गिरणी घोट), नरेंद्र जुवारे (सरचिटणीस), मधुकर चिंतलवार (उपाध्यक्ष), सुरेश परसोडे (माजी पंचायत समिती सदस्य), कुंदाताई जुवारे (सरपंच भेंडाळा), भाग्यश्रीताई चिंतलवार (माजी सदस्य), पंकज व रुपाली दहेलकर (सरपंच फोकूर्डी), सुधाकर गद्दे (सरपंच गणपूर), विनोद शेंगर (उपसरपंच आमगांव महाल), तसेच सागर मुलकला, राजन खुने, प्रतापसिंह गजबिये, रमेश चुकावार, हुशेन भाई शेख, संतोष समुद्रवार, मंगेश मट्टामी, श्रीतीज उके, गुलाबती, गोसाई सातपुते, सुधाकर निखाडे, शंकर वंगावार, दीपकबाई पोरटे, कांताबाई धन्यवाद, विजय बहिरेवार, बाबुराव बहिरेवार, आणि इतर कार्यकर्ते मोठ्या संख्येने उपस्थित होते.

📰 दरारा 24 तास न्यूज नेटवर्क
📍 गडचिरोली प्रतिनिधी रिपोर्ट