📰 दरारा 24 तास न्यूज नेटवर्क
मौजा मुरखळा माल (ता. चामोर्शी) येथे “कलियुगाचा कंस मामा” या दंडारीचा भव्य उद्घाटन सोहळा माजी खासदार डॉ. अशोकजी नेते यांच्या शुभहस्ते संपन्न...!
चामोर्शी (दि. १४ ऑक्टोबर २०२५):
चामोर्शी तालुक्यातील मौजा मुरखळा माल येथे “खास लोक आग्रस्तव मुरखळा माल” यांच्या सौजन्याने आणि आदिवासी महिला दंडार मंडळ, वनग्राम वाकडी यांच्या वतीने भव्य दंडारी प्रयोगाचे आयोजन करण्यात आले. या सोहळ्याचा उत्साहपूर्ण वातावरणात शुभारंभ माजी खासदार तथा भाजपा अनुसूचित जनजाती मोर्चाचे राष्ट्रीय महामंत्री डॉ. अशोकजी नेते यांच्या शुभहस्ते फीत कापून करण्यात आला.
या दंडारीचा विषय होता — “कलियुगाचा कंस मामा अर्थात व्यथा एका कुटुंबाची” — समाजातील वास्तवावर प्रकाश टाकणारी, विचार करायला लावणारी आणि जनजागृती करणारी उत्कृष्ट कलाकृती म्हणून प्रेक्षकांच्या मनाला भिडणारी ठरली.
या प्रसंगी प्रमुख पाहुणे म्हणून भाजपा जिल्हाध्यक्ष रमेशजी बारसागडे, माजी जिल्हाध्यक्ष प्रशांत वाघरे, सरपंच तथा भाजपा ओबीसी मोर्चा जिल्हाध्यक्ष भास्कर बुरे, भाजपा आदिवासी मोर्चा जिल्हा महामंत्री रेवनाथ कुसराम, युवा नेते नरेश अलसावार, निरज रामानुजवार, तंटामुक्ती अध्यक्ष प्रभाकर पोटे, संजय खेडेकर, राजू चुधरी, आत्माराम चौधरी, नंदाजी रायसिडाम, अरुण बुरे, माणिक बुरे, निंबाजी ठाकरे, मारोती पोटे यांच्यासह अनेक मान्यवर व कार्यकर्त्यांची उपस्थिती लाभली.
🎖️ कार्यक्रमात गौरव सोहळाही संपन्न झाला.
विविध क्षेत्रात कार्यरत असलेल्या आणि समाजसेवा करणाऱ्या व्यक्तींचा मान्यवरांच्या हस्ते सत्कार करण्यात आला. त्यात गोरक्षणकर्ते (गुराखी) गोकुळ मेश्राम, परशुराम गुरुनुले, वारलु कुळसंगे, पंढरी संदोकर यांचा तसेच श्री गुरुदेव सेवा मंडळ व भजन मंडळ कार्यकर्त्यांचा सन्मान करण्यात आला.
🎙️ उद्घाटन प्रसंगी डॉ. अशोकजी नेते म्हणाले:
“कलेच्या माध्यमातून समाज जागृत करण्याचं हे अनोखं कार्य आहे. या परिसरात लोप पावत चाललेली पारंपरिक दंडार कला पुन्हा जोमात येत आहे, ही अत्यंत आनंदाची बाब आहे. विशेष म्हणजे, आपल्या महिला भगिनींनी या कलेला जिवंत ठेवत समाजासमोर प्रभावी सादरीकरण सादर केले आहे, हे स्तुत्य आहे.”
तसेच त्यांनी आपल्या कार्यकाळातील विकासकामांचा आढावा घेत सांगितले की,
“मी दहा वर्षांच्या कार्यकाळात रेल्वे, मेडिकल कॉलेज, कृषी महाविद्यालय, गोंडवाना विद्यापीठ, चिचडोह व कोटगल बँरेज, तसेच राष्ट्रीय महामार्ग प्रकल्पांसारख्या अनेक महत्त्वाच्या विकासकामांसाठी सातत्याने प्रयत्न केले आहेत.”
🎭 या भव्य सोहळ्याला स्थानिक नागरिक, महिला भगिनी, युवा कार्यकर्ते आणि दंडारप्रेमी श्रोते मोठ्या संख्येने उपस्थित राहून कार्यक्रमाला उत्साहवर्धक प्रतिसाद दिला.
✍️ प्रतिनिधी : सुखसागर एम. झाडे
दरारा 24 तास न्यूज नेटवर्क
 येथे “कलियुगाचा कंस मामा” या दंडारीचा भव्य उद्घाटन सोहळा माजी खासदार डॉ. अशोकजी नेते यांच्या शुभहस्ते संपन्न...!){kind=link}
0 टिप्पण्या
Thanks for reading