चंद्रपूर महाकाली महोत्सव- सराफा असोशिएशन देणार चांदीची आठ किलो वजनाची महाकाली मातेची मुर्ती !

महोत्सव निमित्ताने दुसरी नियोजन बैठक संपन्न !

चंद्रपूर-किरण घाटे

       नवरात्रोत्सवात माता महाकाली महोत्सव आयोजित करण्यात आला आहे. यात चंद्रपूरातील दान दात्यांनी समोर येण्याचे आवाहन आमदार किशोर जोरगेवार यांनी केले होते. त्यांच्या आवाहनाला प्रतिसाद देत सराफा असोशिएशनने महोत्सवाकरिता आठ किलो वजनाची माता महाकालीची मुर्ती देण्याची घोषणा काल केली.

      माता महाकाली उत्सवाच्या नियोजनाच्या दुस-या बैठकीचे आयोजन शुक्रवारी करण्यात आले होते. सदरहु बैठकीत सराफा असोशिएशने उपरोक्त घोषणा केली आहे. या बाबत आमदार किशोर जोरगेवार यांनी माता महाकाली भक्तांच्या वतीने सराफा असोशिएशनचे आभार मानले आहे.

दरम्यान सराफा असोशिएशनचे जिल्हाध्यक्ष राजेंद्र लोढा, जिल्हा उपाध्यक्ष ओमप्रकाश सोनी, जिल्हा सचिव आशु सांगोळे, जिल्हा संपर्क सचिव भिमराज कुकरा, जिल्हा कोषाध्यक्ष मितेश लोढिया, शहर असोशिएशन अध्यक्ष भारत शिंदे, कोषाध्यक्ष प्रवीण जुमडे, सहसचिव राकेश ठकरे, सल्लागार समिती सदस्य राजेंद्र लोढा, सत्यम सोनी, कार्यकारी सदस्य प्रमोद लुनावत, संजय सराफ, मितेश लोढिया, भिवराज सोनी, विजय चांडक, विनय जैन यांच्यासह असोशिएशनच्या इतर सदस्यांनी  या कार्यात विशेष सहकार्य केले आहे.

 चंद्रपूरचे  आमदार  जोरगेवार यांच्या संकल्पनेतुन या नगरीत पहिल्यांदाच सुरु होत असलेल्या माता महाकाली महोत्सवाला महाकाली भक्तांचा मोठा सहभाग लाभत आहे. सदरहु महोत्सवात लोकसहभाग असावा या हेतुन नियोजन केल्या जात आहे. सलग चार दिवस सदर महोत्सव चालविण्याच्या दिशेने महाकाली महोत्सव समितीचे नियोजन सुरु आहे. सतत  चार दिवस शहरात भक्तीमय वातावरण राहणार असुन हा महोत्सव राज्यभरात प्रसिध्द करण्याच्या दिशेने महाकाली भक्तांच्या वतीने प्रयत्न सुरु आहे.

     याबाबात महाकाली मंदिराच्या सभागृहात महाकाली महोत्सव नियोजनाची काल शुक्रवारी दुसरी बैठक संपन्न झाली. या बैठकीत सराफा असोशिएशनने माता महाकालीची ८ किलो चांदीची मुर्ती देण्याची घोषणा देखिल केली आहे. माता महाकाली महोत्सवा दरम्याण माता महाकाली पालखी नगर प्रदक्षिणा करण्यात येणार आहे. सदरहु पालखी यात्रेत ही चांदीची मुर्ती ठेवण्यात येणार आहे. सोबतच नवरात्रो दरम्यान सदर मुर्ती पुजा करण्यासाठी शहरातील मंदिरांमध्येही ही उपलब्ध करून दिल्या जाणार  आहे.

    शुक्रवारी सायंकाळी सात वाजता माता महाकालीच्या महिला भक्तांची बैठक संपन्न झाली यावेळी भारती दुधानी, डॉ. आसावरी देवतळे, अनुराधा जोशी, वंदना हातगावकर, सपना पॉल, हेमांगी बिस्वास, अधिवक्ता इतिका शहा, स्मिता चावडा, कोकीळा पोटदुखे, रचना वनकर, सविता कोट्टी, स्नेहा मेश्राम, शितल लोहिया, एकता पित्तुलवार, सविता दंडारे, मंजु रज्जाक, मृणालीनी खाडीकर, मनिषा पडगेलवार, सरोज चांदेकर, अल्का चांडक, चंदा जिवतोडे, आशा देशमुख यांच्यासह माता महाकाली महिला भक्तांची मोठ्या संख्येने उपस्थिती होती. तर सायंकाळी आठ वाजता पुरुष भक्तांची बैठक संपन्न झाली.