मुल:ट्रॅक्टरवर सिमेंटचे वीज खांब नेताना ट्रॅक्टर अनियांत्रित होऊन पलटी झाल्याने ट्रॅक्टरवर बसलेल्या दोन मजूरांचा जागीच मृत्यू झाला तर दोन मजूर गंभीर जखमी झाले. ही घटना शुक्रवारी पिपरी दीक्षित गावाजवळ दुपारच्या सुमारास घडली. मिथून पांडुरंग मराठे वय (35), अंकुश राजू गंधश्रीवार (36) असे मृत मजुरांची नावे आहेत.
तर सुभाष रणदिवे (34), ईश्वर मांडवकर (37) जखमी मजुरांचे नावे आहेत. सर्व राहणार केळझर तालुका मूल येथिल रहिवासी आहेत.
मूल तालुक्यातील पिपरी दीक्षित गावाजवळील भंजाळी येथील एका शेतकऱ्याच्या शेतात वीज डीपी लावण्याचे काम सुरु आहे. त्यासाठी आवश्यक सिमेंट खांब ट्रॅक्टरच्या साह्याने पिपरी दीक्षितवरून आणताना काही अंतर गेल्यानंतर पिपरीजवळ ट्रॅक्टर पलटी झाली. घटनेची माहिती पसरताच परिसरातील नागरिकांनी अपघातग्रस्तांना रुग्णालयात दाखल केले. मात्र डॉक्टरांनी दोघांना मृत घोषित केले. मूल पोलिसांनी घटनास्थळ गाठून पंचनामा केला. व पुढील तपास सुरू केला आहे. या घटनेमुळे कुटुंबावर शोककळा पसरली आहे.
0 Comments