यवतमाळमध्ये ट्रक आणि इनोव्हाची जोरदार धडक,4 जागीच मृत्यू :गुरुद्वाराला दर्शनासाठी निघाले होते शीख कुटुंब, कारचा पूर्णपणे चुराडा

ब्युरो रिपोर्ट दरारा 24 तास

यवतमाळ : अपघातांचे सत्र सुरूच आहे. यवतमाळ जिल्ह्यात इनोव्हा आणि ट्रकची धडक झाल्याने भीषण अपघात झाला आहे. यामध्ये 4 जणांचा जागीच मृत्यू झाला आहे. तर एक जण गंभीर जखमी झाल्याची माहिती आहे. त्याच्यावर रुग्णालयात उपचार सुरू आहेत. सोमवारी पहाटे यवतमाळ -नागपूर महामार्गावरील चापरडा गावाजवळ हा अपघात झाला आहे.

- दरारा 24 तास न्युज नेटवर्क

नांदेडला गुरुद्वाराला निघाले होते शीख कुटुंब

मिळालेल्या माहितीनुसार, पंजाब येथील शीख कुटूंब दर्शनाला नांदेड येथील गुरुद्वाराला दर्शनाला जात असताना हा अपघात झाला आहे. यवतमाळ-नागपूर महामार्गावर एका इनोव्हा गाडीतून हे शीख कुटुंब प्रवास करत होते. त्यांची इनोव्हा कार चारपडा गावाजवळ असताना गाडीवरील चालकाचे नियंत्रण सुटले. त्यामुळे ही कार समोर असलेल्या ट्रकवर जोरात जाऊन आदळली.

कारच्या पुढील भागाचा पूर्णपणे चक्काचूर

दरम्यान, ही धडक इतकी जोरदार होती की, इनोव्हा कारच्या पुढील भागाचा पूर्णपणे चक्काचूर झाला आहे. इनोव्हा कारच्या बोनेटचा भाग जोरात धडक झाल्यामुळे ट्रकच्या मागच्या भागात शिरला. त्यामुळे बोनेटचा पत्रा उखडला गेला आणि पुढील भाग पूर्णपणे चेपला गेला. या गाडीत एअरबॅग्ज नव्हत्या. त्यामुळे चालकासह मागच्या बाजूला बसलेल्या प्रवाशांनाही गंभीर दुखापत झाली. या जोरदार धडकेत इनोव्हा कारमधील चार प्रवाशांचा जागीच मृत्यू झाला तर एकजण गंभीर जखमी आहे.