🏙️ पोंभूर्णा शहर समस्याग्रस्त ; नगर पंचायत प्रशासनाचे ढिसाळ नियोजन उघड

daraara 24 taas ६/२९/२०२५ १०:३५:०० AM

🏙️ पोंभूर्णा शहर समस्याग्रस्त ; नगर पंचायत प्रशासनाचे ढिसाळ नियोजन उघड

🗓️ पोंभूर्णा | प्रतिनिधी - दरारा 24 तास न्यूज नेटवर्क

पोंभूर्णा नगर पंचायत हद्दीतील नागरिक सध्या विविध समस्यांच्या विळख्यात सापडले असून प्रशासन व पदाधिकाऱ्यांच्या निष्क्रियतेमुळे संतप्त आहेत. शहरातील स्वच्छता, पाणीपुरवठा, रस्ते, नाल्यांची सफाई आणि विद्युत व्यवस्था कोलमडली आहे.

🔹 अधिकारी व पदाधिकाऱ्यांमध्ये समन्वयाचा अभाव

नगर पंचायतच्या नियोजनशून्य कारभारामुळे शहरात समस्यांचे डोंगर उभे राहिले आहेत. अधिकारी व पदाधिकारी एकमेकांवर जबाबदारी ढकलत आहेत, त्यामुळे कोणतीही समस्या मार्गी लागताना दिसत नाही.

🔹 पाणीपुरवठा योजनांचा बोजवारा

शहरवासीयांना पुरवले जाणारे पाणी अशुद्ध आणि आरोग्यविषयक धोकादायक आहे. अनेक दिवसांपासून अॅलम आणि ब्लीचिंग पावडरचा अभाव आहे, त्यामुळे पाण्याची शुद्धीकरण प्रक्रिया ठप्प आहे.

🔹 शहर अंधारात ; विद्युत विभाग ठप्प

गेल्या १५ दिवसांपासून अनेक वार्ड अंधारात आहेत. विद्युत सहाय्यक मानधन न मिळाल्याने काम बंद केले आहे, त्यामुळे दिवे दुरुस्त होत नाहीत.

🔹 स्वच्छता कामगारांचे काम बंद आंदोलन

शहरातील कचरा व्यवस्थापन कोसळले असून, स्वच्छता कामगारांनी वेतनासाठी काम बंद आंदोलन सुरू केले आहे. रस्त्यावर कचऱ्याचे ढिग पडले असून, पावसाळ्यामुळे सांडपाणी आणि दुर्गंधीचा प्रसार वाढला आहे.

📣 विरोधी पक्षाचा इशारा

"न.पं. प्रशासन व सत्ताधाऱ्यांना स्वच्छता, पाणी, वीज याचे काहीही सोयरसुतक नाही. यांना फक्त सिमेंटीकरणाच्या नावाखाली कमिशनचे स्वप्न आहे. जर दोन दिवसांत समस्या मार्गी लागल्या नाहीत, तर जन आंदोलन करू."
— आशिष कावटवार, विरोधी गटनेते, नगर पंचायत पोंभूर्णा.

🛑 नागरिकांमध्ये रोष ; प्रशासन मात्र गप्प

एवढ्या गंभीर परिस्थितीतही नगर पंचायत प्रशासन व पदाधिकारी डोळेझाक करत आहेत, हे अत्यंत लाजिरवाणं आहे. नागरिक प्रश्नांनी त्रस्त आहेत आणि त्यांना योग्य उत्तर हवे आहे.

📌 दरारा 24 तास न्यूज नेटवर्क
तुमच्या हक्काच्या बातम्या