⚠️ पुढील ३ तास अत्यंत महत्त्वाचे – चंद्रपूर व गडचिरोली जिल्ह्यांमध्ये मुसळधार पावसाचा इशारा!
चंद्रपूर/गडचिरोली | प्रतिनिधी
हवामान खात्याने दिलेल्या ताज्या अंदाजानुसार, पुढील तीन तासांत चंद्रपूर व गडचिरोली जिल्ह्यांतील काही भागांत मुसळधार पाऊस, वादळ, सोसाट्याचा वारा आणि विजांच्या कडकडाटासह गडगडाट होण्याची शक्यता व्यक्त करण्यात आली आहे.
या वातावरणातील बदलामुळे जनजीवन विस्कळीत होण्याची शक्यता असून, नागरिकांनी सतर्क राहणे अत्यंत गरजेचे आहे. विशेषतः उघड्यावर किंवा मोठ्या झाडांच्या खाली थांबणे टाळावे, विजेपासून दूर राहावे आणि शक्य असल्यास सुरक्षित ठिकाणी थांबावे, असा सल्ला प्रशासनाने दिला आहे.
महत्त्वाचे सूचना:
- शक्यतो बाहेर जाणे टाळा.
- वीज पडण्याचा धोका असलेल्या जागांपासून दूर रहा.
- शेतीकामे तात्पुरती थांबवा.
- मोबाईल, टीव्ही, इंटरनेट यांसारख्या विद्युत उपकरणांचा वापर वादळी वातावरणात टाळा.
- आपत्तीमुळे काही नुकसान झाल्यास तात्काळ स्थानिक प्रशासनाशी संपर्क साधा.
हवामान खात्याकडून मिळालेल्या इशाऱ्यानुसार प्रशासन सज्ज आहे. आपत्कालीन मदतीसाठी आपल्या तालुका आपत्ती व्यवस्थापन नियंत्रण कक्षाशी संपर्क साधावा.
दरारा २४ तास न्यूज नेटवर्क आपल्या वाचकांना वेळोवेळी अद्ययावत माहिती देत राहील.
📰 अधिक अपडेटसाठी भेट द्या: [www.darara24taas.com]
📱 फॉलो करा: दरारा 24 तास न्यूज नेटवर्क
0 टिप्पण्या
Thanks for reading