📰 दरारा 24 तास न्यूज नेटवर्क
गडचिरोलीत मुख्यमंत्री देवेंद्र फडणवीस यांच्या आगमनाचे उत्साहात स्वागत!
📅 दि. १५ ऑक्टोबर २०२५, गडचिरोली काँम्पलेक्स पोलिस ग्राउंड
गडचिरोली ::
राज्याचे उपमुख्यमंत्री तथा गृहमंत्री मा. श्री. देवेंद्रजी फडणवीस यांच्या आज गडचिरोली जिल्ह्यातील दौऱ्याच्या निमित्ताने संपूर्ण परिसरात उत्साहाचे वातावरण निर्माण झाले होते. काँम्पलेक्स पोलिस ग्राउंड परिसरात भाजप कार्यकर्ते आणि नागरिकांनी मोठ्या संख्येने गर्दी करून त्यांचे भव्य स्वागत केले.
या प्रसंगी माजी खासदार तथा भाजपा अनुसूचित जनजाती मोर्चाचे राष्ट्रीय महामंत्री डॉ. अशोकजी नेते यांनी फडणवीस साहेबांचे पुष्पगुच्छ देऊन मनःपूर्वक स्वागत केले. त्यांच्या स्वागतावेळी सभोवताली टाळ्यांचा गजर आणि ‘देवेंद्र फडणवीस जिंदाबाद’च्या घोषणा घुमत होत्या.
या कार्यक्रमावेळी आमदार डॉ. मिलिंदजी नरोटे, जिल्हाध्यक्ष रमेशजी बारसागडे, लॉयट्स मेटल अँड एनर्जी लिमिटेडचे व्यवस्थापकीय संचालक श्री. प्रभाकरणजी, माजी आमदार डॉ. देवरावजी होळी, माजी जिल्हाध्यक्ष प्रशांतजी वाघरे, तसेच जिल्ह्यातील अनेक पदाधिकारी, अधिकारी वर्ग आणि भाजपा कार्यकर्ते मोठ्या संख्येने उपस्थित होते.
मुख्यमंत्र्यांच्या या भेटीचा उद्देश जिल्ह्यात सुरू असलेल्या विविध विकासकामांचा आढावा घेणे आणि प्रगतीपथावर असलेल्या शासकीय योजनांची अंमलबजावणी अधिक गतीमान करणे हा होता. त्यांनी या निमित्ताने जिल्हा प्रशासनाशी चर्चा करून स्थानिक समस्यांवर तातडीने कार्यवाही करण्याचे निर्देश दिल्याची माहिती सूत्रांनी दिली.
कार्यक्रमाची सांगता राष्ट्रगीताने करण्यात आली. संपूर्ण परिसरात शिस्तबद्ध वातावरणात कार्यक्रम पार पडला. मुख्यमंत्री फडणवीस यांच्या या भेटीने गडचिरोलीत विकास आणि प्रशासनाबाबत नवी ऊर्जा निर्माण झाल्याची भावना नागरिकांनी व्यक्त केली.
✍️ वार्ताहर – दरारा 24 तास न्यूज नेटवर्क, गडचिरोली
0 टिप्पण्या
Thanks for reading