पोंभुर्ण्यात राजकीय तापमान चढले! जि.प.–प.स. निवडणुकीत कोण करणार दमदार एन्ट्री?

daraara 24 taas ११/१५/२०२५ ०६:४०:०० PM

जिल्हा परिषद व पंचायत समितीमध्ये कुणाची एन्ट्री?

पोंभुर्णा तालुक्यात सुरू राजकीय समीकरणांची जुळवाजुळव
दरारा 24 तास न्यूज नेटवर्क

पोंभुर्णा : आगामी जिल्हा परिषद व पंचायत समितीच्या निवडणुकीचा कार्यक्रम कधीही जाहीर होण्याची शक्यता असून, तालुक्यातील राजकीय वातावरणात तापमान चढायला सुरुवात झाली आहे. अधिकृत उमेदवारांच्या घोषणेची अजून वेळ असली तरी, सर्वच पक्षांत संभाव्य उमेदवारांच्या नावांची जोरदार चर्चा सुरू आहे.

तालुक्यातील गट – गणांचे आरक्षण

पोंभुर्णा तालुक्यात
▪️ २ जिल्हा परिषद गट
▪️ ४ पंचायत समिती गण

त्यापैकी आरक्षण पुढीलप्रमाणे :

गट/गण	आरक्षण
देवाडा खुर्द - केमारा जि.प. गट	अनुसूचित जमाती (सर्वसाधारण)
चिंतलधाबा - घोसरी जि.प. गट	महिला सर्वसाधारण
केमारा प. स. गण	अनुसूचित जमाती महिला
देवाडा खुर्द प. स. गण	सर्वसाधारण
चिंतलधाबा प. स. गण	सर्वसाधारण
घोसरी प. स. गण	नामनिर्देशित (एन.एम.पी.) महिला

मागील निवडणुकीतील निकाल

गेल्या निवडणुकीत पोंभुर्णा तालुक्यात भाजपाचा एकहाती विजय झाला होता.
• चितलधाबा–घोसरी गटातून आ. देवराव भोंगळे
• देवाडा खुर्द–केमारा गटातून राहुल संतोषवार
यांनी जिल्हा परिषदेत ताकद दाखवली होती.

या वेळी मात्र गटांचे आरक्षण बदलले असून अनेक नवीन नावे चर्चेत येण्याची शक्यता निर्माण झाली आहे.

काँग्रेस विरुद्ध भाजप — गुपचूप रणनिती

काँग्रेसमध्ये उच्चस्तरीय चर्चासत्र सुरू असून, सोशल मीडियावर संभाव्य उमेदवारांच्या नावांची चर्चा वेगाने सुरू आहे.
तर भाजपाकडून ‘साम-दाम-दंड-भेद’ या सर्व गोष्टींचा वापर करून तगडी उमेदवार निवडण्यासाठी मंथन सुरू असल्याची माहिती मिळते. मात्र, अधिकृतरीत्या एकाही नावाचा खुलासा केलेला नाही.

वंचित बहुजन आघाडीचे जोशात आगमन

या वेळी वंचित बहुजन आघाडी आघाडीवर दिसत आहे.
• चिंतलधाबा–घोसरी जि. प. गटासाठी जुनगावच्या माजी सदस्या सारीका कालीदास वाळके या पक्क्या दावेदार मानल्या जात आहेत.
• तर पंचायत समितीसाठी पत्रकार रुपेश निमसरकार यांच्या नावावर शिक्कामोर्तब झाल्याचे संकेत.