Daraara 24 Taas News Network

भारतीय लोकशाही धोक्यात ! सर्वांनी अलर्ट होणे गरजेचे - प्रा. श्याम मानव पोंभुर्णा :- मागील कित्येक दशकांपासून पत्रकारिता क्षेत्रात काम करताना व त्यानंतर अखिल भारतीय अंधश्रद्धा निर्मूलन समिती चळवळीत प्रबोधनाचे धडे गिरवीत लोकांना जागृत करत देशभर फिरत देशाच्या कानाकोपऱ्यातील अवस्था बघितली आहे. या देशाची वाटचाल अधोध गतीकडे चाललेली असून लोकशाही जिवंत राहिली आहे की नाही असा प्रश्न आता उपस्थित होऊ लागला आहे. लोकशाही आणि घटनेला शाबूत ठेवण्याची तुमची आमची सर्वांची  जबाबदारी आहे. अन्यथा पुन्हा मनुस्मृतीचा जन्म होईल असे परखड मत प्राध्यापक शाम मानव सर यांनी आयोजित पत्रकार परिषदेमध्ये व्यक्त केले. एक मार्च रोजी शहरात जाहीर व्याख्यानाचा कार्यक्रम आयोजित करण्यात आला आहे त्या कार्यक्रमाच्या संदर्भात प्राध्यापक मानव सरांनी पत्रकारांना संबोधित केले. राज्य व देशपातळीवर गेली ३५ वर्षापासून विविध विषयासंदर्भात वृत्त वाहिनीच्या माध्यमातून निर्भीडपणे मांडणी करणारे ज्येष्ठ पत्रकार निखिल वागळे, यांच्यावर पुण्यात जीवघेणा हल्ला झाला. या घटनामुळे लोकशाही कुठे शिल्लक राहिली असा प्रश्न आजच्या घडीला उद्भवतो आहे....

प्रा. श्याम मानव यांचे आज पोंभुर्णात जाहीर व्याख्यान पोंभुर्णा - अंधश्रद्धा निर्मूलन समितीचे राष्ट्रीय संघटक आणि सुप्रसिद्ध व्याख्याते प्रा. श्याम मानव यांचे आज 1 मार्च रोजी सायंकाळी ६ वाजता पोंभुर्णा शहरातील बुक्कावार राइस मिल येथील भव्य पटांगणात जाहीर व्याख्यान होणार आहे. विविध सामाजिक संघटना कृती समितीच्या वतीने या जाहीर व्याख्यानाचे आयोजन केले असून 'भारतीय संविधान,लोकशाही समोरील आव्हाने' हा प्रा. श्याम मानव यांच्या व्याख्यानाचा विषय आहे. या कार्यक्रमाचे अध्यक्ष म्हणून अंनिस चे जिल्हाध्यक्ष गोविंदराव भेंडारकर हे उपस्थित राहणार आहेत.  प्रा. श्याम मानव हे सध्या संपूर्ण महाराष्ट्रात 'भारतीय लोकशाही समोरील आव्हाने' हा विषय घेऊन जनजागृती करत आहेत. त्याच पार्श्वभूमीवर पोंभुर्णात सुद्धा त्यांच्या जाहीर व्याख्यानाचे आयोजन आज केले आहे. तरी तालुक्यातील सर्व नागरिकांनी या व्याख्यानाचा लाभ घेण्यासाठी मोठ्यासंख्येने उपस्थित राहावे, असे आवाहन विविध सामाजिक संघटना कृती समितीच्या वतीने करण्यात आले आहे.

प्राध्यापक शाम मानव यांची आज पोंभुर्णात पत्रकार परिषद प्रख्यात विचारवंत व अंधश्रद्धा निर्मूलन समितीचे संस्थापक संघटक, प्राध्यापक श्याम मानव सर यांची आज पोंभुर्णा येथे दुपारी 4 वाजता व्हीआयपी विश्रामगृह येथे होत आहे. , भारतीय संविधान, लोकशाही पुढील आव्हाने या विषयावर जाहीर व्याख्यानाचे आयोजन करण्यात आले आहे. या संदर्भात माहिती देण्यासाठी व पत्रकारांशी संवाद साधण्यासाठी आज दिनांक 29 फेब्रुवारी 2024 रोजी दुपारी चार वाजता ही पत्रकार परिषद आयोजित करण्यात आली आहे. या पत्रकार परिषदेला प्राध्यापक शाह मानव सर, सुरेश चुरमुरे राज्य उपाध्यक्ष हे उपस्थित राहणार आहेत. तालुक्यातील पत्रकार बांधवांनी या पत्रकार परिषदेला आवर्जून उपस्थित रहावे असे आवाहन अनिस च्या वतीने करण्यात आले आहे.

बल्लारपूर नजीक कारवा मार्गालगतच्या जंगल परिसरात बकरी चराईसाठी गेलेल्या महिलेवर वाघाने हल्ला करून ठार केले. ही घटना सोमवार, 26 फेब्रुवारी रोजी दुपारी 12 वाजताच्या सुमारास घडली. लालबची रामअवध चौहान असे मृतक महिलेचे नाव आहे. या घटनेमुळे या परिसरात वाघाची दहशत पसरली असून, वन विभागाने ट्रॅप कॅमेरे लावून गस्त वाढविली आहे.       बल्लारपूरातील दीनदयाळ वॉर्ड परिसरातील रामअवध चौहान आपल्या पत्नी लालबची सोबत नेहमीप्रमाणे कारवा मार्गावरील जंगलात बकरी चाराईसाठी गेले होते.  Woman killed in tiger attack  त्यावेळी तिकडे असलेल्या वाघाने पती समोरच पत्नी लालबची यांच्यावर हल्ला करून ओढत नेले. पतीने आरडाओरड केल्याने वाघाने तिला सोडून पळ काढला. मात्र, या झटापटीता घटनास्थळीच मृत्यू झाला. घटनेची माहिती कळताच पोलिस व वनविभागाचे कर्मचारी घटनास्थळी दाखल झाले. पंचनामा करून मृतदेह ताब्यात घेतला. या परिसरात ट्रॅप कॅमेरे लावण्यात आले असून, गस्तसुद्धा वाढविली आहे, असे वनपरिक्षेत्र अधिकारी नरेश भोवरे यांनी सांगितले.

जुनगाव - घोसरी च्या ग्रामसेवकास निलंबित करा-प्रभारी सरपंच राहुल भाऊ यांची मागणी 👍 मुख्य कार्यपालन अधिकाऱ्यांकडे तक्रार दाखल, कारवाई करण्याचे आश्वासन पोंभुर्णा: कर्तव्यात कसूर करणाऱ्या ग्रामपंचायतीच्या ग्रामसेवकास निलंबित करण्याची मागणी जूनगावचे प्रभारी सरपंच राहुल भाऊ यांनी मुख्य कार्यपालन अधिकारी चंद्रपूर यांचेकडे तक्रारीद्वारे केली आहे. ग्रामसेवक चांदेकर हे मनमानी कारभाराने ग्रामपंचायत चालवित असून महिन्यातून ते एक दोन तास गावात उपस्थित होतात. त्यामुळे गावाचा पूर्णपणे विकास थांबलेला आहे. अनेक फंडातील निधी अखर्चित आहे. तक्रारीत त्यांचेवर अनेक आरोप करण्यात आले आहेत. ग्रामपंचायतच्या सभेची प्रोसिडिंग घरी जाऊन लिहिणे, जमाखर्चाबाबत सदस्यांनी विचारले असता टाळाटाळ करणे, महिन्यातून एक ते दोन दिवस ग्रामपंचायत कार्यालयात उपस्थिती दर्शविणे, सामान्य नागरिकांची कामे अडवणे, यशवंतराव चव्हाण घरकुल योजने पासून लोकांना वंचित ठेवणे, ठरावांच्या प्रती पंचायत समिती कार्यालयास सादर न करणे, सरपंच व पदाधिकाऱ्यांना महत्त्व न देणे, सामान्य फंडाचा दुरुपयोग करणे, 2020 ते 2024 पर्यंत कोणत्याही प्रकारच्या खर्चावर च...

उध्दव बाळासाहेब ठाकरे शिवसेनेत पक्षप्रवेश करणाऱ्याची गर्दी :*आंबेधानोरा येथील असंख्य युवा कार्यकर्त्यांचा शिवसेनेत प्रवेश* पोंभूर्णा: शिवसेनेचे पक्षप्रमुख माजी मुख्यमंत्री उद्धव साहेब ठाकरेंनी शिवसंपर्क अभियान सुरू केले आहे त्यास सर्वत्रच उत्स्फूर्तपणे प्रतिसाद मिळत आहे. प्रत्येक तालुक्यात शिवसंपर्क अभियान राबविण्यात येणार असल्याने पोंभुर्णा तालुक्यातील शिवसैनिकांनी प्रत्येक गावात, वार्डात जाऊन युवा वर्गासह जेष्ठ नागरिकांच्या भेटीगाठी घेऊन शिवसेनेचे कार्य व विचार पटवून देत आपल्याकडे आकर्षीत करण्यात यशस्वी होत आहेत. तालुक्यातील अनेक गावातील विविध पक्षांचे व सामाजिक कार्यात सक्रिय असणारे कार्यकर्ते स्वेच्छेने शिवसेनेचे सदस्यत्व पत्करत आहेत. आंबेधानोरा येथील युवा कार्यकर्ते विकास रेगुलवार, वैभव कुणावार,अमित लांडे, निखल बालमवार,रोहित चांमबुलवार, प्रितम रेगुलवार, अनुराग अत्राम, भोजराज रेगुलवार, शिवम मडावी, वेदांत रेगुलवार, विपुल रेगुलवार, राजकुमार गेडाम,विजय अंडगुलवार,साहिल तलांडे,नरेश जुमनाके, संदेश रेंगुलवार,साहिल तलांडे,येश तलांडे, सत्यम मडावी,नयन दुर्वे,सूरज आत्राम,शुभम रेगुलवार,प्रमो...