पैशाअभावी रुग्ण महिलेचा मृत्यू! सावंगी मेघेच्या प्रसिद्ध दवाखान्यात अमानवी कृत्य 💥 "महात्मा फुले आरोग्य योजना फसवी; डॉक्टरांच्या जागी दलालांचा सुळसुळाट!"

daraara 24 taas ६/०९/२०२५ ०२:००:०० AM

💥 पैशाअभावी रुग्ण महिलेचा मृत्यू! सावंगी मेघेच्या प्रसिद्ध दवाखान्यात अमानवी कृत्य

💥
"महात्मा फुले आरोग्य योजना फसवी; डॉक्टरांच्या जागी दलालांचा सुळसुळाट!"

दरारा 24 तास न्यूज नेटवर्क साठी सविस्तर बातमी:

चंद्रपूर, प्रतिनिधी |
"आरोग्य हक्क आहे, दया नव्हे" हे जरी सांगितले जात असले तरी सावंगी मेघे येथील आचार्य विनोबा भावे रुग्णालयात घडलेली संतापजनक घटना या म्हणीला चपेटीत आणते. पोंभुर्णा तालुक्यातील जुनगाव येथील एका महिलेला केवळ पैशाअभावी रुग्णालयाच्या बाहेर काढण्यात आले आणि तिला उपचारा अभावी आपला जीव गमवावा लागला. ही घटना 31 ऑगस्ट 2024 रोजी घडली असून, प्रशासनाच्या अमानवी निर्णयामुळे एका कुटुंबावर काळाचा डोंगर कोसळला आहे.

पीडित महिलेचा आचार्य विनोबा भावे रुग्णालयात उपचार सुरू असताना, तिच्या नातेवाईकांनी आर्थिक अडचणी व्यक्त केल्या. महात्मा फुले जन आरोग्य योजनेअंतर्गत मोफत उपचार मिळतील अशी अपेक्षा होती, मात्र ही योजना केवळ कागदावर असल्याचे उघड झाले. रुग्णालयातील व्यवस्थापनाने कोणतेही सहकार्य न करता, रात्री दोन वाजता रुग्ण महिलेला रुग्णालयाबाहेर काढण्याचा आदेश दिला.

या दरम्यान, डॉक्टर नव्हे तर जन आरोग्य योजनेत दाखल असलेले दलालच रुग्णाच्या नातेवाईकांशी संवाद साधत होते. रुग्णालयाच्या वतीने सल्ला देणारे हे दलाल पेशंटला बाहेर काढण्याचा आग्रह धरत होते. महिलेच्या पती जीवनदास गेडाम यांनी अश्रू गाळून, पत्नीला एक रात्र तरी दवाखान्यात ठेवण्याची विनंती केली. तेव्हा देखील कोणतीही मानवतेची भावना न दाखवता दलालांनी हट्टाने बाहेर जाण्यास सांगितले.

अखेरीस, जीवनदास गेडाम यांनी आत्महत्येची धमकी दिल्यानंतरच रात्रभर तिला ठेवण्याची परवानगी देण्यात आली. मात्र, दुसऱ्या दिवशी सकाळी काहीही इलाज न राहता रुग्ण महिलेला गावाकडे परत घेऊन जावे लागले आणि थोड्याच वेळात तिचा मृत्यू झाला.

या प्रकारामुळे संपूर्ण जिल्ह्यात संतापाची लाट उसळली असून, रुग्णालय प्रशासनावर मनुष्यवधाचा गुन्हा दाखल करण्यात यावा तसेच नुकसान भरपाई देण्यात यावी, अशी मागणी पीडित महिलेचे पती जीवनदास गेडाम यांनी केली आहे.

तसेच, महात्मा फुले जन आरोग्य योजना ही गरीब रुग्णांच्या मदतीसाठी असली तरी प्रत्यक्षात ती दलालांच्या घशात घालणारी योजना बनली आहे, असा घणाघातही त्यांनी केला.

🟥 प्रश्न उपस्थित करणारे मुद्दे: