धुमाकूळ घालणाऱ्या वाघिणीला अखेर जेरबंद – सावली वनपरिक्षेत्राची मोहीम यशस्वी

धुमाकूळ घालणाऱ्या वाघिणीला अखेर जेरबंद – सावली वनपरिक्षेत्राची मोहीम यशस्वी

सावली (दि. ७ सप्टेंबर २०२५):

मागील दीड महिन्यापासून सावली वनपरिक्षेत्रात धुमाकूळ घालणाऱ्या वाघिणीला अखेर वनविभागाच्या पथकाने जेरबंद करण्यात यश मिळवले. आज संध्याकाळी नेमके ५.०२ वाजता संरक्षित वनक्षेत्र क्रमांक १६६२ मध्ये ही कारवाई पार पडली.

ही मोहीम मुख्य वनसंरक्षक श्री. रामानुजम (चंद्रपूर), विभागीय वनाधिकारी राजन तलमले, तसेच सहाय्यक वनसंरक्षक विकास तरसे आणि वनपरिक्षेत्र अधिकारी विनोद धुर्वे (सावली) यांच्या नेतृत्वाखाली राबविण्यात आली. मोहिमेत जीवशास्त्रज्ञ अक्षय नारनवरे, क्षेत्र सहाय्यक नंदकिशोर पाटील (पाथरी), अनिल मेश्राम, तसेच वनरक्षक नान्हे, खुडे, कराड, नागोसे, आदे, आखाडे, बोनलवार, मुरकुटे, बोरकर, अहिरकर, सोनेकर, डांगे, महादेव मुंडे, अतीन मानकर आदींनी विशेष परिश्रम घेतले.

याशिवाय पीआरटी चमू – निफंद्रा, खानाबाद व करगाव, तसेच डॉ. कुंदन पोडचेलवार (TTC चंद्रपूर), घनश्याम नायगावकर (वनपरिक्षेत्र अधिकारी चंद्रपूर) व RRU टीम चंद्रपूर यांचे सहकार्य निर्णायक ठरले.

वनविभागाच्या अथक प्रयत्नांनंतर अखेर या वाघिणीला जेरबंद करण्यात आले असून स्थानिकांमध्ये दिलासा व्यक्त केला जात आहे.

---