दरारा 24 तास न्यूज नेटवर्क
🗓️ सावली (दि. १५ ऑक्टोबर २०२५)
✍️ प्रतिनिधी : दरारा न्यूज नेटवर्क
🌾 किसाननगर येथील नागरिकांच्या समस्या जाणून माजी खासदार डॉ. अशोकजी नेते यांची थेट भेट व चर्चा
माजी खासदार तथा भारतीय जनता पक्ष अनुसूचित जनजाती मोर्चाचे राष्ट्रीय महामंत्री डॉ. अशोकजी नेते यांनी सावली तालुक्यातील किसाननगर येथे ग्रामस्थ व कार्यकर्त्यांशी थेट संवाद साधत गावातील विविध समस्या जाणून घेतल्या.
रोहणकर फ्युल स्टेशन, नवेगाव भुजला येथे झालेल्या उद्घाटन सोहळ्यानंतर परतीच्या प्रवासात असताना, ब्रम्हपुरी विधानसभा क्षेत्राचे माजी आमदार प्रा. अतुलभाऊ देशकर यांनी “किसाननगर येथे भाजप बुथ प्रमुख मुकेश बिके यांच्याकडे भेट देऊन गावकऱ्यांशी चर्चा करायची आहे,” अशी विनंती केली.
या विनंतीला तत्काळ प्रतिसाद देत डॉ. नेते यांनी किसाननगर येथे थांबून नागरिकांशी संवाद साधला. त्यांनी ग्रामस्थांच्या तक्रारी व अडचणी शांतपणे ऐकून घेतल्या आणि प्रत्येक समस्येच्या निवारणासाठी तातडीने पावले उचलण्याचा विश्वास व्यक्त केला.
गावकऱ्यांनी पाणीटंचाई, रस्त्यांची दुरवस्था, तरुणांना रोजगाराच्या संधींचा अभाव, तसेच शेतीसंबंधी प्रश्न मांडले.
यावर डॉ. नेते म्हणाले —
“जनतेच्या प्रश्नांवर ठोस कार्यवाही करणे हेच माझे कर्तव्य आहे. प्रत्येक समस्या सोडविण्यासाठी प्रशासनाशी तातडीने संपर्क साधून उपाययोजना केली जाईल.”
या अनपेक्षित भेटीमुळे ग्रामस्थांच्या चेहऱ्यावर आनंद ओसंडून वाहताना दिसला.
गावातील ज्येष्ठ नागरिक, महिला आणि तरुण वर्ग यांनी डॉ. नेते यांच्या जनसंपर्क आणि तत्परतेबद्दल मनापासून कृतज्ञता व्यक्त केली.
👥 या प्रसंगी उपस्थित मान्यवर
माजी आमदार प्रा. अतुलभाऊ देशकर, माजी बांधकाम सभापती जि.प. चंद्रपूर संतोषभाऊ तंगडपल्लीवार, जिल्हा उपाध्यक्ष अविनाशभाऊ पाल, कृ.उ.बा.स. संचालक यशवंत आंबोरकर, भाजयुमो जिल्हा महामंत्री तनय देशकर, साकेत भानारकर, भाजप बुथ प्रमुख मुकेश बिके, ज्येष्ठ नेते शंकर बिके, ग्रा.पं. सदस्य रमेश नापे, धर्मवीर मोढाई, बाबुराव मेश्राम, सतिश मजोके, राहुल सुरे, राकेश बिके, सत्यवती बिके, कमला मोढाई, छन्नोताई बिके तसेच किसाननगर येथील असंख्य नागरिक उपस्थित होते.
या भेटीत जनतेच्या समस्यांना प्राधान्य आणि समाधानाला वचन देणारी जनसंपर्क शैली पुन्हा एकदा डॉ. अशोकजी नेते यांच्या माध्यमातून दिसून आली.
त्यांच्या संवेदनशील व लोकाभिमुख दृष्टिकोनामुळे ग्रामस्थांचा विश्वास आणखी दृढ झाला आहे.
📰 दरारा 24 तास न्यूज नेटवर्क
"जनतेचा आवाज, जनतेसाठी!"
0 टिप्पण्या
Thanks for reading