थंडीची तीव्र लाट; नागपूरमध्ये तीन बेघरांचा मृत्यू? राज्यात अनेक जिल्ह्यांना यलो अलर्ट – नागरिकांनी घ्यावी काळजी

 

थंडीची तीव्र लाट; नागपूरमध्ये तीन बेघरांचा मृत्यू?

राज्यात अनेक जिल्ह्यांना यलो अलर्ट – नागरिकांनी घ्यावी काळजी

दरारा 24 तास न्यूज नेटवर्क 

राज्यात गेल्या काही दिवसांपासून वाढलेल्या थंडीने अक्षरशः दाहक रूप धारण केले आहे. तापमान सतत घसरत असून उत्तर महाराष्ट्र, मराठवाडा आणि विदर्भातील अनेक भागात रात्रीचे mercury 8 ते 12 अंशांपर्यंत खाली येत आहे. या भीषण थंडीचा फटका विशेषतः बेघर आणि असुरक्षित नागरिकांना बसतो आहे.

नागपूर शहरात थंडीमुळे तीन बेघर व्यक्तींचा मृत्यू झाल्याची शक्यता व्यक्त केली जात आहे. स्थानिक नागरिकांच्या माहितीनुसार, शहरातील विविध भागात राहणाऱ्या तीन निराश्रित व्यक्तींची अवस्थेची माहिती समोर आल्यानंतर प्रशासन सतर्क झाले आहे. प्राथमिक तपासात हे मृत्यू थंडीमुळे गारठून झाल्याची शक्यता वर्तवली जात असली तरी त्याची अधिकृत पुष्टी मात्र अद्याप झालेली नाही.

दरम्यान, हवामान विभागाने राज्यातील अनेक जिल्ह्यांसाठी थंडीचा यलो अलर्ट जारी केला आहे.
ज्या जिल्ह्यांमध्ये थंडीचा इशारा देण्यात आला आहे, ते पुढीलप्रमाणे —

• जळगाव
• नाशिक
• अहिल्यानगर (अहमदनगर)
• सोलापूर
• छत्रपती संभाजीनगर (औरंगाबाद)
• तसेच विदर्भातील काही भागांतही तापमानात मोठी घसरण नोंदवली जात आहे.

हवामान खात्याच्या माहितीनुसार, येत्या 48 ते 72 तासांत रात्रीचे तापमान आणखी खाली जाण्याची शक्यता असून, धुक्याची तीव्रता वाढण्याचाही अंदाज व्यक्त केला जात आहे.

नागरिकांनी घ्यावयाची काळजी :

• सकाळी व रात्री बाहेर पडताना उबदार कपड्यांचा वापर करावा
• वृद्ध व लहान मुलांनी विशेष काळजी घ्यावी
• बेघर व गरजू लोकांना स्थानिक निवारा केंद्रांची माहिती द्यावी
• शेतकऱ्यांनी पिकांवर थंडीचा ताण टाळण्यासाठी आगोदे किंवा धूरनिर्मितीची उपाययोजना करावी

राज्यातील थंडीची ही परिस्थिती लक्षात घेता प्रशासन पूर्ण सतर्क झाले असून, बेघर नागरिकांसाठी नाईट शेल्टरची सुविधाही वाढवण्याचा प्रयत्न सुरू आहे.

— दरारा 24 तास न्यूज नेटवर्क