सुरजागड च्या ट्रकने दोघांना चिरडले दोघांचाही दुर्दैवी मृत्यू! नागरिकांमध्ये तीव्र रोष

मनोज गेडाम तालुका प्रतिनिधी अहेरी,(गडचिरोली)

एटापल्ली तालुक्यातील आलदंडी पोलीस स्टेशनच्या हद्दीत सुरजागड लोहखनिज वाहतूक करणाऱ्या ट्रकच्या चाकाखाली आलेल्या दुचाकी स्वारांचा अक्षरशः चेंदामेंदा होऊन दोघेही जागीच ठार झाल्याची दुर्दैवी घटना आलदंडी गावाजवळ घडली आहे. अपघातग्रस्त दोन्ही मृतक पंदेवाही गावातील असून मार्टिन तिग्गा (वय 52) नानेश गावडे (वय 28) अशी नावे आहेत.

सर्वत्र डॉ बाबासाहेब आंबेडकर जयंती मोठ्या उत्साहात साजरी करत असताना १४ एप्रिल रोजी सोमवारी सायंकाळी पाच वाजताच्या दरम्यान एटापल्ली वरून सुरजागडकडे एम एच ३३ झेड ९२६४ क्रमांकाच्या दुचाकीवरून जाणाऱ्या दोन इसमांना ट्रकने जोरदार धडक दिली, यात दोन्ही दुचाकीस्वार ट्रकच्या चाकात येऊन त्याचे शरीर चंदामेंदा होऊन झालेल्या भीषण अपघात ते दोघेही जागीच ठार झाले आहेत. घटनेची माहिती पोलिसांना होताच पंचनामा करून पुढील कारवाई सुरू केली आहे.

दरम्यान या दुर्घटनेवरून नागरिकांमध्ये तीव्र रोष व्यक्त होत आहे.