भगवंतराव हायस्कुल लख. बोरी येथे ११वा आंतरराष्ट्रीय योग दिन उत्साहात साजरा होणार – माजी विद्यार्थ्यांनाही दिले आमंत्रण

भगवंतराव हायस्कुल लख. बोरी येथे ११वा आंतरराष्ट्रीय योग दिन उत्साहात साजरा होणार – माजी विद्यार्थ्यांनाही दिले आमंत्रण

चामोर्शी (जिल्हा गडचिरोली) – तालुक्यातील नामवंत शैक्षणिक संस्था भगवंतराव हायस्कुल तथा कनिष्ठ महाविद्यालय, लखनापूर बोरी येथे उद्या दिनांक 21 जून 2025 रोजी, शनिवार दिनी 11वा आंतरराष्ट्रीय योग दिन उत्साहात साजरा केला जाणार आहे.

शाळा प्रशासनाच्या वतीने दिलेल्या माहितीनुसार, सर्व विद्यमान विद्यार्थ्यांना उद्या सकाळी 7:00 वाजता शाळेत वेळेवर उपस्थित राहण्याचे आवाहन करण्यात आले आहे. यासाठी सर्व विद्यार्थी, शिक्षक, व शाळेचे कर्मचारी मोठ्या संख्येने उपस्थित राहून या कार्यक्रमात सहभागी होणार आहेत.

विशेष म्हणजे, या योग दिनाच्या कार्यक्रमासाठी शाळेचे माजी विद्यार्थी यांनाही आमंत्रित करण्यात आले आहे. योग दिनानिमित्त पुन्हा एकदा शाळेच्या प्रांगणात माजी व विद्यमान विद्यार्थी एकत्र येणार असल्याने एक वेगळा उत्साह निर्माण झाला आहे.

शाळेचे मा. मुख्याध्यापक तथा प्राचार्य यांनी सांगितले की, “योग हे भारतीय संस्कृतीचे एक अमूल्य देणे आहे. विद्यार्थ्यांच्या सर्वांगीण विकासासाठी योग अत्यंत आवश्यक असून, त्याच्या नियमित सरावामुळे मानसिक आणि शारीरिक आरोग्य सुदृढ राहते. या उद्देशाने शाळेमध्ये दरवर्षी योग दिन साजरा केला जातो.”

या कार्यक्रमाच्या यशस्वी आयोजनासाठी शिक्षक व विद्यार्थी वर्ग तयारीत व्यस्त असून, परिसरात योगाबाबत जनजागृती होण्यासाठीही प्रयत्न सुरू आहेत.

— प्रतिनिधी, दरारा 24 तास, चामोर्शी

---