एक गाव – एक वाचनालय : गडचिरोली पोलीस विभागाचा स्तुत्य उपक्रम गडचिरोली पोलीस दलाच्या ७२ व्या सार्वजनिक वाचनालयाचे लोकार्पण अतिदुर्गम भागातही ज्ञानदीप प्रज्वलित

👍  दरारा 24 तास न्यूज नेटवर्क 

---

एक गाव – एक वाचनालय : गडचिरोली पोलीस विभागाचा स्तुत्य उपक्रम

गडचिरोली पोलीस दलाच्या ७२ व्या सार्वजनिक वाचनालयाचे लोकार्पण

अतिदुर्गम भागातही ज्ञानदीप प्रज्वलित

✍️ सुखसागर एम. झाडे, गडचिरोली

गडचिरोली जिल्ह्यातील अतिदुर्गम व नक्षलग्रस्त भागात शिक्षण, ज्ञान आणि जागरूकतेचा दीप प्रज्वलित करण्यासाठी गडचिरोली पोलीस दल सातत्याने प्रयत्नशील आहे. “एक गाव – एक वाचनालय” या उपक्रमाच्या माध्यमातून जिल्ह्यातील प्रत्येक गावात वाचन संस्कृती रुजविण्याचा संकल्प राबविला जात आहे.

याचाच एक भाग म्हणून मौजा जिजगाव (पोस्टे मन्नेराजाराम हद्दी) येथे पोलीस अधीक्षक नीलोत्पल यांच्या हस्ते ७२ व्या सार्वजनिक वाचनालयाचे लोकार्पण नुकतेच संपन्न झाले.

📚 उपक्रमाचे वैशिष्ट्ये :

• ग्रामस्तरावरून ग्रंथदिंडी काढण्यात आली व राष्ट्रध्वज फडकवून लोकजागृतीचे संदेश देण्यात आले.
• गावकरी, विद्यार्थी, महिला व युवकांनी मोठ्या संख्येने उपस्थित राहून उत्स्फूर्त सहभाग नोंदविला.
• वाचन संस्कृतीचा प्रसार, स्पर्धा परीक्षांविषयी जनजागृती, महिला-पुरुष व तरुणांमध्ये कौशल्य विकास, तसेच दुर्गम भागातील नागरिकांना शासनाच्या मुख्य प्रवाहात आणणे हा या उपक्रमाचा प्रमुख उद्देश आहे.

🎯 उपक्रमाचे परिणाम :

या अभिनव उपक्रमामुळे दुर्गम व आदिवासी भागात शिक्षणाची नवी दिशा निर्माण होत असून विद्यार्थ्यांमध्ये आत्मविश्वास व ज्ञानप्राप्तीची उर्मी निर्माण होत आहे. शिक्षणाच्या माध्यमातून समाजात परिवर्तन घडविण्याचा पोलीस दलाचा हा प्रयत्न निश्चितच प्रशंसनीय मानला जात आहे.

👮‍♂️ पोलीस दलाचा बदलता चेहरा :

गडचिरोली पोलीस दल केवळ कायदा व सुव्यवस्था राखण्यातच नव्हे तर शिक्षण, संस्कृती व सामाजिक बांधिलकीच्या क्षेत्रातही पुढाकार घेत आहे. “एक गाव – एक वाचनालय” हा उपक्रम जिल्ह्यासाठी नव्या परिवर्तनाचा मार्ग ठरत आहे.

---

👉